ಅಣ್ಣಾ ಬಾಂಡ್ ಚಿತ್ರದ "ಏನೆಂದು ಹೆಸರಿಡಲಿ ಈ ಚಂದ ಅನುಭವಕೆ" ಹಾಡಿನ ಟ್ಯೂನ್ ಗೆ ಅನುಗುಣವಾಗಿ ಬರೆದಿರುವ ಸಾಲುಗಳು.
ಕನಸೊಂದು ತೋರಿಸಲೇ ಕಣ್ಮುಂದೆ ನವಿರಾಗಿ.
ಇದ್ದಂತೆ ಪ್ರೀತಿಸಲೇ ನಾನೀಗ ನೀನಾಗಿ.
ನೀ ನೀಡಿದ ಹೊತ್ತೆಲ್ಲ ಅಚ್ಚಾಗಿದೆ.
ಸದ್ದಿಲ್ಲದೇ ಎದೆಬಡಿತ ಹೆಚ್ಚಾಗಿದೆ.
ಮಗುವಂತೆ ಮುನಿದಂತೆ ಆಗಾಗ ನಟಿಸಲು.
ಇರುಳಲ್ಲಿ ಕನಸಲ್ಲಿ ಬರುವೆನು ರಮಿಸಲು.
ಪ್ರೀತಿ ರೂಪತಾಳಿ ಬಂದ ತಂಗಾಳಿ ಕೈ ಮುಗಿದು.
ನಿನ್ನ ರೂಪ ತಿದ್ದೋ ಕಾರ್ಯ ಅನುಭವ ಹೊಸದು.
ಈ ಮೌನದ ಕಾಗುಣಿತ ಶುರುವಾಗಿದೆ.
ನೀ ಹೇಳುವ ಮಾತೆಲ್ಲ ವರವಾಗಿದೆ.
ಕನಸೊಂದು ತೋರಿಸಲೇ ಕಣ್ಮುಂದೆ ನವಿರಾಗಿ.
ಇದ್ದಂತೆ ಪ್ರೀತಿಸಲೇ ನಾನೀಗ ನೀನಾಗಿ
ಮಿಂಚನ್ನ ಕೈ ಹಿಡಿಯೋ ಗುಡುಗಂತೆ ಬರುವೆನಾ
ಮುದ್ದಾದ ಬೆಳಕಿಂದ ಜಗವೆಲ್ಲ ಹೊಸತನ .
ಮೋಡದಲ್ಲಿ ಅವಿತು ಕುಳಿತ ಕನಸೆಂದು ಕರಗುವದು...?
ಜಾರಿ ಬಿದ್ದ ಹನಿಯ ಸದ್ದು ನೆನಪಿನ ಹಾಡು.
ಕಣ್ಣಲ್ಲಿಯೇ ಆ ಮುತ್ತು ಬೆಳಕಾಗಿದೆ.